Wednesday, August 24, 2011

Have lost six kilos, but you keep me strong: Anna to supporters

Have lost six kilos, but you keep me strong: Anna to supporters‘ 

आज उपोषणाचा नववा दिवस आहे. माझी तब्येत एकदम व्यवस्थित आहे, मला काहीही झालेलं नाही. मी आणखी नऊ दिवसही उपोषण करू शकतो ’ , असा जबरदस्त विश्वास ज्येष्ठ समाजसेवक अण्णा हजारे यांनी व्यक्त केला आहे. रामलीला मैदानावरून ‘ इन्कलाब जिंदाबाद ’ चा नारा देऊन आपण ‘ फिट अँड फाइन ’ असल्याचं त्यांनी दाखवून दिलंय.

अण्णांची तब्येत खालावली आहे, त्यांना तात्काळ ग्लुकोज चढवावं लागेल आणि लवकरच हॉस्पिटलमध्ये हलवावं लागेल, अशी जोरदार चर्चा कालपासून सुरू झाली होती. अण्णांचं वजन सहा किलो कमी झाल्याचं आज सकाळच्या मेडिकल बुलेटिनमधून सांगण्यात आलं. परंतु, ग्लुकोज चढवण्यास अण्णांचा नकार होता. त्यामुळे त्यांच्या समर्थकांमध्ये थोडंसं चिंतेचं वातावरण होतं.

मात्र संध्याकाळी अण्णा रंगमंचावर अवतरले आणि त्यांचा उत्साह पाहून हजारोंच्या जनसमुदायानं एकच जल्लोष केला. ‘ भारत माता की जय ’ , ‘ वंदे मातरम् ’ च्या घोषणा घुमल्या आणि अण्णांनी आपल्या खणखणीत भाषणानं तरुणांमध्ये जोश जागवला. आज उपोषणाला नऊ दिवस झाल्यावरही देशभर क्रांतीची ज्योत तेवत आहे. त्यातून मला प्रचंड ऊर्जा मिळतेय. मी एकदम ठीकठाक आहे. आणखी नऊ दिवसही मला काही होणार नाही, असा आत्मविश्वास त्यांनी व्यक्त केला. आज काही गद्दारांनी आपल्या देशाला साफ मातीत मिळवलंय. पण आपण सगळे मिळून एक नवा भारत घडवूया, असा नारा त्यांनी दिला आणि जनसागर आनंदानं उसळला.







No comments:

Post a Comment


Popular Posts

Total Pageviews

Categories

Blog Archive