आपल्या गरमागरम भूमिकांनी बॉलिवूडमधील ९० चे दशक गाजवणारी अभिनेत्री ममता कुलकर्णी हिने दुबई कारागृहात जन्मठेपेची शिक्षा भोगणा-या ड्रग्ज माफियाशी लग्न केले आहे. त्यासाठी तिने तिच्या नव्य-यासह इस्लाम स्वीकारला.
एका मासिकाच्या कव्हरपेजवर टॉपलेस पोज दिल्याने ममताचे हिंदी चित्रपटातील करीयर संपल्यापासून ती मुंबईतून गायब झाली होती. त्यानंतरच ती या ड्रग्ज डिलरच्या संपर्कात आल्याचे बोले जात आहे.
ममता कुलकर्णी हिने दुबईतील अंतरराष्ट्रीय स्तरावरील ड्रग माफिया विकी गोस्वामी याच्याशी लग्न केल्याची माहिती सूत्रांनी दिली आहे. विकीशी भेट झाल्यानंतर काही दिवसातच १९९७मध्ये विकीला दुबईमध्ये ११.५ टन ड्रग्जच्या तस्करी संदर्भात अटक करण्यात आली होती. मात्र ममता वरचेवर त्याला भेटायला तुरुंगात जात असल्याचे कळते.
याच काळात जेलमध्ये असतानाच विकीने इस्लाम धर्माचा स्वीकार केला आणि ममताशी लग्न केले. लग्नआधी ममतानेही इस्लाम धर्माचा स्वीकार केल्याने, इस्लामी पद्धतीने हे लग्न होऊ शकले असे सांगितले जात आहे. विकी जेलमध्ये असताना त्याचा रियल इस्टेटचा बिझनेस ममताच संभाळत होती.
दुबईतील ड्रग तस्करी कायद्याअंतर्गत ५२ वर्षीय विकीला २५ वर्षाची शिक्षा सुनावण्यात आली होती मात्र चांगली वागणूक आणि मुस्लीम धर्म स्विकारल्यामुळे त्याची शिक्षा १० वर्षाने कमी कऱण्यात आली आणि त्याला मागील वर्षी १५ नोव्हेंबर रोजी सोडून देण्यात आले. सध्या दोघेही नैरोबीमध्ये असून आपला रियर इस्टेटचा व्यवसाय संभाळत असल्याचे कळते.
No comments:
Post a Comment