नोकरी हीच आवड - Choice is job

नोकरी हीच आवड

 आपली पॅशन आपलं करिअर होऊ शकतं का , या प्रश्नाचं योग्य उत्तर न मिळाल्याने अनेकजण आपल्या करिअरचा निर्णय अचूक घेऊ शकत नाहीत. अशा वेळी तुमची पॅशन , तुम्ही निवडत असलेलं क्षेत्रं , तुमची क्षमता या सगळ्या गोष्टींचा विचार होणं आवश्यक आहे. याच गोष्टींचा नेमका विचार कसा करायचा याबाबत मार्गदर्शन करण्यासाठी ' महाराष्ट्र टाइम्स ' ने जॉब vs पॅशन या विषयावर वेलिंगकर इन्स्टिट्युट ऑफ मॅनेजमेंटमध्ये सेमिनार आयोजित केलं होतं.

पॅशन ओळखा

'' जॉब म्हटला की साधारण नजरेसमोर येतं ते बॉसिंग. कुणाच्या तरी हाताखाली काम करणं , डेडलाइन्स पाळणं , खूप नियम , स्ट्रेस अर्थात एक प्रकारची सक्ती. याच उलट पॅशन म्हणजे अगदी मनासारखं काम करणं , कामात फ्लेक्झिबिलिटी असणं , स्वतःच्या क्रिएटिव्हिटीला न्याय देता येणं. खरतर पॅशन आणि जॉब या एकाच नाण्याच्या दोन बाजू आहेत. या दोन्हीही गोष्टी एकमेकांमध्ये सापडू शकतात. तसंच , पॅशन जॉबमध्ये नसून आपल्यामध्ये असणं गरजेचं आहे , आणि ती असतेच. फक्त आपली खरी पॅशन काय आहे ती आपल्याला ओळखता आली पाहिजे."
- सुचित्रा सुर्वे , डायरेक्टर , ग्रोथ सेंटर

हे नेहमीच लक्षात ठेवा

जॉबसाठी तुम्ही स्वतः अप्लाय करत असता. यामुळे कुठल्या जॉबसाठी अप्लाय करायचं हे तुमच्या हातात असतं. यामुळे ठरवलेल्या जॉबमध्ये तुम्हांला पॅशन निर्माण करता आली पाहिजे.
तुमच्या पॅशन आणि करायच्या जॉबमध्ये क्लिअॅरिटी हवी.
पॅशन असलेल्या जॉबकडे वळ-ण्यापूर्वी आर्थिक बाजूचाही विचार करा. इथे लठ्ठ पॅकेज मिळेलच असं नाही , याचीही तयारी ठेवाच.हार्डवर्क आणि सातत्य हे सगळीकडेच लागतं. बरेचदा आपल्या मनात एक असताना आपण ते का फोलो करत नाही याची कारणं पुढीलप्रमाणे -

आई-वडिलांचा हट्ट आणि तुमची आवड न जुळणं

नातलगांच्या , मित्र मैत्रिणींच्या बोलणं ऐकून एखादा निर्णय घेणं. करिअर करायचं असेल तर तुम्ही सेल्फ एम्प्लॉयमेंटसुद्धा निवडू शकता.

ट्रेंडमध्ये असेल तेच करणं

आर्थिक दृष्ट्या न जमल्यामुळे जास्त खर्चिक नसलेला कोर्स नाईलाजाने निवडणं तुम्ही तुमची पॅशन तुमचा करिअर बनवत नाही कारण :

रिस्क घ्यायची नसते

इन्कम जास्त असेल का हा विचार

स्वतःच्या राहणीमान , सामाजिक स्टेटस ला साजेसा कोर्स करणं

अपयशाला घाबर्ण्यामुळे वेगळं काही करण्याचा प्रयत्न न करणं

लोक काय म्हणतील याचा विचार करत बसणं

नीट मार्गदर्शन आणि संधी न मिळणं पॅशनला जर तुमचा जॉब बनवायचा असेल , तर तुमची पॅशन
गंभीरपणे घ्यायला हवी.

जॉबकडे सकारात्मकतेने पाहा

नुसती आवड असून उपयोग नाही , त्याला लागणाऱ्या स्किल्ससुद्धा डेवलप करण्याचा प्रयत्न करायला हवा. बरेचदा तुमचं पॅशन हेच एक उत्तम करिअर होऊ शकतं. जरी तुमची पॅशन तुमचा जॉब नाही होऊ शकला तरी तुम्ही जो जॉब करत असाल त्याला सकारात्मकतेने पहा. त्याच्याबद्दल राग , दुःख , पश्चात्ताप करू नका. तुमच्याकडे असलेल्या स्किल्स वाढवा आणि त्या जॉबमधून तुम्हाला काय शिकता येईल ते पहा. आणि मग तुमचं भविष्य नीट आखा आणि ते नीट मॅनेज करा. तुमच्या असलेल्या जॉब मध्येही पॅशन निर्माण करता येऊ शकते. तुमच्या आवडी ओळखा , नुसतं गाणी ऐकणं किंवा वाचन नाही , पण नक्की काय वाचणं आवडतं ? हे ओळ्खा. पॅशनलाच जॉब करायचं असेल तर याचबरोबर तुमच्या घरातली मूल्य , तुमचं व्यक्तिमत्त्व , मार्गात असणाऱ्या अडचणी , तुम्हाला खरंच कशाने एनर्जी मिळते हे ओळ्खा. ते अत्यंत महत्त्वाचं आहे. "

- कौस्तुभ धारगळकर , असोसिएट प्रोफेसर , बिझनेस ‌िडझाइन अँड इनोवेशन वुई स्कूल

जॉब आणि पॅशनविषयी थोडसं ...

जॉब वर्सेस पॅशन हा फक्त एक माइंडसेट आहे. खरं म्हणजे तुम्ही कोणताही जॉब करत असलात तरी त्यात पॅशन असावीच लागते. कोणतंही काम स्वीकारलं की ते नीट पार पाडावाच लागतं. मग तुमचं पॅशन तुमचं जॉब असो किंवा नसो.

जॉब म्हणजे तुम्हाला कोणीतरी मारून मुटकून कामाला जा सांगितल्यासारखा आहे. पण तुम्ही ते ही तितकंच जोमाने करा , म्हणजे कंटाळा येणार नाही.

जॉब प्रत्येक मेटीरियल गोष्टीकडे पाहतो आणि पॅशन फक्त तुम्हाला मनापासून काय आवडतं ते बघते. पण जर कोणताही जॉब पॅशनशिवाय केला तर बर्नाउट होण्याचे खूप चान्सेस असतात. यामुळे तुमी स्वीकारलेला जॉबची पॅशन बनवली तरीही तुम्ही याशस्वी होऊ शकता. - थोडक्यात पॅशन म्हणजे तुम्ही स्वीकारलेलं किंवा दिलेलं काम किती तन्मयतेने आणि आत्मियतेने करता आहात. कारण पॅशनशिवाय काहीही होऊ शकत नाही. यामुळे तुम्ही जॉब वर्सेस पॅशन या माइंडसेटमधून बाहेर या आणि कामाला लागा.